Ka dib markii la dareemay dhibaatooyinka soo food saaray hor u socodka Isboortiga Soomaaliyeed taa oo ka timid Guul darooyinka isdaba jooga ah,Gudiyadda Hogaaminta oo ay ka muuqdaan dad aan ehel u aheyn Isboortiga, Halyeeyadii Isboortiga oo la dhex dhigay colaad looga gol leeyahay in aysan waligood isu imaanin taa oo gunta ku haysa qeybi oo xukun(DIVIDERE EE COMMANDARE).

arrimahaasi waxa ay dhaliyeen dareen aad iyo aad u weyn oo ka yimid Dadweynaha Isboortiga xiiseeya oo guux xoog leh ku muujiyey dareenkooda ku aadan sida Isboortiga loo dayactiray iyo sumcad xumadda maanta la baday Gudaha iyo Dibedaba.

 

Dhacdooyinkaas hagardaamadda xambaarsan waxay kiciyeen shucuurtii dadkii ehelka u ahaa Isboortiga isla markaana SHUCLADDA isboortiga soo siday in ka badan 50 Sano,Ummadda Soomaaliyeedna ugu soo adeegay si xilkasnimo ah, taa oo ifisay in aan Isboortiga sidaan lagu fiirsan karin una baahan yahay dad u kaca kana badbaadiya kuwa haadaanta ka ridaayo, arrimahaas xanuunka badan waxay dhaliyeen in Halyeeyo Isboortiga Soomaaliyeed Taarikh ku leh, isla markaana ay Ummadda Soomaaliyeed sharaf iyo wanag u hayaan in UNKAAN guddi lagu magacaabo GUDDIGA MIDEYNTA QURBAJOOGTA ISBOORTIGA oo shaqada ugu weyn uu diiradda saaraayo ay tahay in la mideeyo Halyeeyadda Isboortiga Soomaaliyeed u soo Kifaaxay oo ku kala nool addunyadda dacaladeeda kala duwan lana dhameeyo waxii khilaafaad oo jira.

waxaana Guddigaasi oo uu Gudoomiye u yahay Mudane AXMEDNUUR MAXAMED XAASHI (SEYGA RUUSHKA) oo Taarikh ku leh isboortiga Soomaaliyeed isla markaana ay Ummadda Soomaaliyeed ay u hayso Xusmad aan la qiyaasi karin taa uu ku kasbaday sidii hagar la'aanta aheyd uu ugu soo shaqeeyey, waxaana uu Mudane Seyga Ruushka uu soo maray Goboka KENTUKY oo uu kula kulmay Gudoomiyaha Isboortiga ee Gobolkaasi Mudane XAMZA, waxayna ka wada hadleen sidii loo badbaadin lahaa Isboortiga iyo isu keenidda Halyeeyadii Isboorti oo la kala qoqobay si aysan ugu hanqal taagin ka qeyb galka Isboortiga Soomaaliyeed oo dhintay, waxaana uu u Gudbay Magaaladda ATLANTA oo uu kula Kulmay Halyeeyo aad iyo aad looga yaqaano Dalka Soomaaliyeed iyo addunkaba kuwa ay ka mid ahaayeen DR. CALI CUSMAAN, AWEYS FUUNDI, CAYDIID JEENYO, CALI MATAAN, JAAMACEY IYO YUSUF MARSHALE IYO CABDIAZIIZ GIFTINwaxayna si qoto dheer uga doodeen habacsanaanta maanta Isboortigeena la soo gudboonaatay waxaana la isla gartay in Baaqyo loo diro kuwa Isboortiga hor booda oo Taarikhda ku leh dhadhaqaaqa Isboortiga Soomaaliyeed lana tuso wadada toosan oo uu Isboortiga hadafkiisa ku gaari karo,lagana daayo isboortiga shaqsiyaadka aan ehelka u aheyn oo maanta Mas'uulka ka ah fadeexadda Isboortiga maanta la huwiyey,waxaana farta lagu fiiqay in aan laga qeyb galin burburinta ha'adaha hadda Isboortiga maamula laakiin aan indha laga qabsanin kuwa aan ehelka u aheyn oo qatar ku ah jiritaanka Isboortiga Soomaaliyeed. 

Gudoomiyaha Mideynta Qurba joogta soomaaliyeed iyo wafdigiisa waxay u gudbeen Magaaladda VIRGINIA halkaa oo ay kula kulmeen halyeeyo kale oo xusuusta Ummadda Soomaaliyeed raad raac wanagsan ku reebtay kuwa oo kala ahaa,XAAJI MACOW SIID BARAKOW(OO AHAA LAMABARKA 11 KUU UGU FIICNAA OO ISBOORTIGA SOOMAALIYEED SOO MARA), KHALIIF RIIKO OO KA TIRSANAA XULKII QARANKA KUBADDA CAGTA, FAYSAL KHALDAAN, YUSUF SHAQAAQ IYO DAYIB GUDOOMIYAHA UNIVERSAL TV EE NORTH AMERIGA, waxaana halka uga wada shekeyysteen waayihii barisamaadkii iyagoo dhamaantood walaac ka muujiyey halka uu maanta Isboortigeenu marayo,waxaana uu Gudoomiyaha Mideynta Qurba joogta Isboortiga Soomaaliyeed Mudane Axmed Nuur Maxamed Xaashi (Seyga Ruushka) uu baqoolay dalka Kanada magaladda TORONTO halkaa uu kula kulmaya halyeeyo Taarikh ku leh Isboortiga Soomaaliyeed oo kala ah MUDANE MAXAMED FAARAX DABDAMIS, MUKHTAAR CUTI,XASAN XARBI, BAASHI CALI BAASHI, INJ CABDISAMAD,AXMADEY BAALDI, CABDIRAXMAAN TACBAAN IYO QORAA SARE BUSURI, AW BAARE, SHARIIF MAXAMED, LIIBAAN BASHIIR, ODAY MURSAL, CANTAR JEENYO, FAARAX ODAY IYO HALYEEY MAXAMED XAAJI UUREY kuwaa oo dhamaantood si kalgaceyl leh u soo dhaweeyey, waxaana Mudane Seyga Ruushka uu u sheegay hadafka loo dhisay Guddiga Mideynta Qurbajoogta Isboortiga taa oo danta ugu weyn ay tahay in la isu keeno Halyeeyadii u soo Kifaaxay Isboortiga,isla markaana diiradda la saaro sidii loo soo nooleyn lahaa Isboortiga oo ay la degeen kuwa aysan waligood ka qeyb galin horumarin Isboorti oo maanta loo aaneynaayo habaca isboortiga ka muuqdo isla markaana aysan laheyn aqoon iyo waayo aragnimo arrimahaasi looga hotagi lahaa. 

Ugu dambeyntii Gudoomiyaha Mideynta Qurbajoogta Soomaaliyeed Mudane Axmednuur Maxamed Xaashi waxa uu aad iyo aad ugu mahad celinayaa dhamaan intii ka qeyb gashay soo dhaweyntiisa isagoo Ummadda Soomaaliyeed kuu booriyey in aan sidaan lagu fiirsan Isboortiga.

W/D Dr Cali Cusmaan